منتدى دموع احباب العراق
اهلا وسهلآ بك عزيزي الزائر يرجى التسجيل لتكون عضو في عائلة احباب العراق
او اذا كنت عضو يرجى الدخول

منتدى دموع احباب العراق

منتدى دموع احباب العراق
 
الرئيسيةاليوميةمكتبة الصورالأعضاءالمجموعاتالتسجيلدخول

شاطر | 
 

 مجموعه اشعار

اذهب الى الأسفل 
كاتب الموضوعرسالة
hard target
Admin
Admin
avatar

الخنزير
عدد المساهمات : 153
76388
تاريخ الميلاد : 06/07/1983
تاريخ التسجيل : 04/12/2009
العمر : 35
الموقع : http://damooa.yoo7.com
العمل/الترفيه : مدير المنتدى

مُساهمةموضوع: مجموعه اشعار   الأحد يونيو 13, 2010 12:35 pm


يازين طعم العسل مخزون في شفتك
روحي عليه ترد لو لا اتحكل شفتك
شفتي تعاسه واسى وانت الفرح شفتك
وكل ما اخلص حزن حزني عليه يعود
وانجان ما صدكت حاك الجروح وعد
صايم ولا افطرت من مر عليه العيد
ايصير اعيد وانت هلال ما شفتك
2
يا ليل امانه مع النسمات ودلهم
مني سلامن وكل الخير ود الهم
احنا بوادي صفينه وصفو وادي الهم
ويا *** انسى نسوك وما يونولك
لا صرت ميهم ولا هم ماي ونه لك
اضعو ضعنهم يخايب ما يونولك
صارو الغيرك ولا عد اتحضه بود الهم
3
جابو طبيبي وجيك نبضي وعدلي
ماسر دليلي ولامنجذب واعدلي
دواي ومناي كربك ياترف عودلي
وياي وياكنحذر شامتي وشامتك
ونت التنكر ت الي وروحي اشتهت شمتك
من يومفوك الشفايف لاحضت شامتك
حار الحكيم وكتب ينحال طب عدلي
4
تلهم ي***ي صبر لعيون من تلهم
ما ضلك أعروك يا مسكين منتلهم
شدّوا عيونك نكـس زتوك من تلهم
خلوك مهموم ها يم في دجى حالك
ناديتهم بالعسر ما حوموا حولــــك
دور وطي النفس حاله مثل حالك
وترك هواهم هذوله أكبار منتلهم
5
يامن صدودك تلف مني الدليل وبرى
ساهرتلجلك ليالي اركب خيالك برى
سفان بحرك ولآلي من دليل وبرى
ويومننويت الهجر مايمنعك ثاني
أمسيت مسجون مازال الفرح ثاني
هاك اخذجرحي المضى عود اجرح الثاني
ايصير تجرح جرح جوى جرح مابرى
6
خايف من اهل الحسد لا يــوم يعيونك
وانته نهر للحلا ما جفـــــــــت عيونك
رقــــــــه وجمال ونبل ما لاح لعيونك
اي وحق ربك ما شفـــــــت انا بعينك
منصوخ نصخت حسن بيـه الله يعينك
بس من اتدحك علي دحك بنص عيتك
ما ظال عندي *** يتحمــــــل عيونك
7
***ي بغرامج تخربط منهو اليرتبه
لاني بحفره بهواج ولاني برتبـــه
الهج باسمج ولا بانت علي رتــبه
واي اسم غيرج على الساني انه محرمه
والشخصج بهل *** دون البشر حرمه
عاجبني طولج اذا تمشين مو حرمه
أمر لواء وخطم بس عايزج رتــبه
8
ألروح جانت گبل أسباب وانهنتي
وهساع بجفاي شفتي الضيم وانهنتي
شگد نصحتج واوجه بيج ونهنتي
مافاد بيج النصح گلبج علي منگلب
وجفي بسجل العمر مابي فرح من گلب
شفت أنه غيرج بنت وحبيتها من گلب
ويومن علي گربت دحگت وانهه انتي
9
مارحتي هاذ الگلب بوصال مرنتي
ومرنتي گلبي على الهجران مرنتي
ردنه تمرين مره بشوگ مره انتي
ماردنه منج ذهب بس شوف وجهج بس
وشحيتي بمواصلج ليما هرشنه يبس
حلو وشبيه الگمر وخدود تسحر بس
مره انتي رغم الحلات البيج مره انتي
10
ضنيت حبك من الاحزان سلم لي
سلمتو گلبي وعذاب وضيم سلم لي
ان جان انته يساهي العين سالم لي
خلهه تجره علي بلضيك گصابه
فدوه لشعرك عليه تلوگ گكصابه
انته لمثلك شبيه السيف گصابه
والي بهاون ويگع ان طاب سلم لي
11
ماغاب طيفك عن عيوني ولا تنور
ولمن نجي على الصدك تميل وتناور
وكلما اكلك ذبت اتكلي اتنة ور
***ي بغرامك والك بيتن بنصة عمر
وصدك شما ابلعو يا منيتي بلعو مر منة
منة تقل حلاة البشر كلما كبر بالعمر
بس انت طبع الكمر من تكبر تنور
12
ضليت انوح بحزن مهموم انعي وأرد
على هالغوالي الكبل جانولي مثل الورد
اغرف اغرف ي***ي من بحور المرار وأرد
ليما يسلك انين بجاك والاف افة
ما اطلبت ضعنهم حيفاً علية وأفة
يا دار اهلنة جذب لولج معاهم وفة
ماجان بيجي نبت عكب الغوالي ورد
13
الغيري يغالي صرت وانتة الجنتلي ورد
وضليت بس وحدي ابجي وانعي ورد
غصبن علي اجي العرسك واسلم ورد
واضحك ولو هل ال*** نابات بس لاكن
وب***ي اكول بحزن ريت الجرة لاكان
ما هي قليلة علي يا منيتي لاكن
مجبوراهني واجي وانثر بعرسك ورد
14
تخزرني خزره غضب ترفع علي حاجبك
وباالله ارد اسئلك عني منو حاجبك
انبده وياك بوفه موطامع وحاجبك
ياصاح انا اعتبر حبك الي ملك
تلعب عليه لعب مايوم ***ي ملك
وفوك البشر ياترف صرت بجمالك ملك
مادام صرت الملك خليني انا حاجبك
15
انطر خيالج واساهر وانتظر وابره1 طعين مالي دوه وبشوفتج ابره2 سووف هواج الگلب مثل القلم وابراه3 وادعاه ناحل سجيم من القهر بس سلج4ومايوم هذا ال*** مال إل بشر بس إلج5تدرين ليش من اشوفج انشده بس الج6لانج مصيبه وخصرج ينلظم ببره7
16
يمه رماني الهوه وحيلي بده محلل1 ونارن ابدمي اسعرت ماشافهه امحلل2ناديت ولفي تعال ابشوگـ وامح الليل3واگرب عليك النبي والواحد الأحد4وزيح همي البده من اثنين للأحد5واني ييمه إن متت لاتتهمون احد6چتالي ذاك الترف ماهوب ومحلل7
17

7
يابو فصالن حلو والحجي بيك انملح ) اشماطال جورك علي صابر عليك وملح ) دحج عيوني انعمن من السهر صارن ملح ) ولمن غرامك جوه ***ي ودمعي انهمر ) جربت نار البعد عنك يول ونه امر ) يل عينك مجاهد شرس واني دليلي همر) بالك علي تحترف لا تغدي ***ي ملح
18
من لون عين الترف غارت جميع الخضر1ولشوفتو من الدمع صارن زياكي خضر2مرات انخه النبي مرات احشم الخضر3يجمع شملنه مع الشوكو هدم حيلي4وبعيني من هالبشر غيرو فلا حالي5بله ماهجم بيتي وجتلني ولاعب ابحالي6غير النواهي الشكر اهل العيون الخضر7مالك الحزين
19
حسنك چتلني وصرت لفراشي املازم1حيث الذي گابلك يلبس درع لازم2لازمني حبك مثل لزمت خبل لازم3واني ولاينوصف حبي و ولاعي بك4وغالي عليه تظل انته وألاعيبك5 انته يزين النبا تدري شنو عيبك؟6مشكلتك انك حلو زايد إعن اللازم7
20

جنتي بربيع العمر للورد ريحه انتي1وجنتي إلدليلي الهفه من الدنيه روحو انتي2ماصرتي مره ابفرح لصباي راحه انتي3 ميتين وانتي النفس ردناج شهكت هوه4ؤوريتي ***ي الوكع وابحر شوكج هوه5 يل جنتي حلم العمر اول وآخر هوه6 روحي انتي حبج دفنتو ومات روحي انتي7مالك لحزين
21
ابعث اشواقي مع الراح ومعاليجي@للي ترك بل القلب نارن معاليجي@ياعين غمضي الجفن ليجي معاليجي@للي نودو جذب مايوم ودانة@وابحبو جتلنة جتل للموت ودانة@كلمن وليفة معا ايشوفو كل دانة@واني ابتليت ابهوى مرد معاليجي.مالك الحزين
22
كصت شعرهة الخلك بس مو مثل كصتك@وماشفت بين البشر طولك ولا كصتك
@جن انته والة انس كلي شني كصتك@عجبني طيفك معاي ايبات عجبني@وكلما اروح ابدرب الكاه عاجبني@تدري انته شنو الفتني وبيك عاجبني@عاجبني كلك حلو من جدمك الكصتك.مالك الحزين
23
ماغاب طيفك على عيوني ولااتنور1ولمن نجي على الصدك اتميل وأتناور2وكلما اكلك ذبت اتكلي اتنور3***ي ابهواك والك بيت ابنصة عمر4وصدك اشما ابلع يومنيتي بلعمر5اتقل حلاة البشر كلما كبر بلعمر6بس انته طبع الكمر من تكبر اتنور7مالك الحزين
24
احنا سيوف للدين هو حدنا1
مايوم خفنا من الكلفات او حدنا2
احنا ذياب الدجى ونحول بلحدنا3
وماصار منا ابد بالناس والكون4
ونكول حقنا باليمناة والكون5
انخنا لو حشمت وساعة الكون6
نفني العمار ولا عادي يطب حدنا7مالك الحزين
25
مضروب حربات ابليل وخلو انزف...
ويزفلي عبرات وكت المارحمني انزف...
الصبر ملني وجهة عن الصحيح انزاف...
وطرفي ابحلم العمر يادنيتي طرفي...
اجناح الزعل فوك الكسر طرفي...
امبلة ليل المطاعين ليلي وما غمض طرفي...
من كالت الناس ولفك بالخميس انزف.
26
ومن صرت للغير هم بالجبد حالي...
ومن همل الدموع عيني سوادهة حالي...
انته بالعين غيرك ماشخص حالي...
وانته الوحيد العلي يقرة القلب ونته...
جسمي تناحل متت باد العزم ونته...
انة تقلب على نار الجمر ونته...
ابحضن غيري ولاتدري اشجرى ابحالي.
27
حايط وطنة ارتمة ومابيدي شي بنا...
واصبحنة تالي ولايراد شي بينا...
معدن تميز طفلنة وشيب شايبنة...
وبس الله يدري وسط هذا ال*** شيبات...
عدل ابنصة مجال وجملة شيبات...
بالك اتحسبة كبر بينة شفت شيبات...
من كثر هم العراق اصغار شيبنا.
28
يا وطن تبقى جبل ما يوجد ابطالك
وعبوة ابوجه العدوا اشماراد ابطالك
ابشر ابقرب النصر وان ربك ابطأ لك
واعلم بأن امتحان وغربله الناسك
اولا تحس ان رب العرش ناسيك
ان جان مرك غثه وجمر الهضم نسك
باجر اتهلهل بناتك فوك ابطالك
29
نخيت ما قصرت كل الحواليه
ليه النشاما ليه اهل الرحم ليه
حيشوا هذاك الترف بالين باليه
اوما فاد ويه هلك واصبحت مو ليه
اولا جاه ينفع ولا عد اتفيد ماليه
بلا ياعين موليتي ويا عين مو ليه
للغير صرتي نصيب واني القهر ليه
30
روحي سواها القهر همهة محاريهة
من غاب عني شذر عيني ومحاريهة
منك تحريت بس هاذي محاريهة
تاخذ اعزازي وعليه حكمك وكتي دار
وتصبغ اهدومي عكب لون الفرح بالدار
امشي وسكت الحزن بس من اجي للدار
عبرة اتخنكني اذا جيت ابمحاريهة
31
هملني يالايمي هم سلي وبراي
هم لجلهم نطارة اسنين وبراي
اشوفهم بس صحوا بالنوم وبراي
مرة يوممن دحكت مالي بنن ابدلهم
العقل مني شرد والحيل بادلهم
امبله اتلوم بيه الخلك واتكول بدلهم
ابدل ذهب بالصفر مجنون ابرأي
32
دور ابدينك يغالي الروح بيدينك
أنك تجافي الذي مديون له دينك
وبالعجل جتي النهايه اوتونه بادينك
ووريت قلبي ولا على الماي تحضرني
واطيوفك ابشوك كل مشوار تحضرني
جانت امنيتي كبل ما موت تحضرني
اتغمضلي عيني يساهي العين بيدينك
33
الوطن يسأل مالك
لو عسعس الليل اشب وادور ولف
حسبات قلبي عقد ما بين ميه ولف
جرحي تحفر مابيه اشد ولف
ومنوسر يدمع الحزن بالعين تاسيلك
ومسعد يمالك كثيرة اقلوب تاسيلك
حرام مالي شغل مريت تا سيلك
حزن المضيع وطن مثل المضيع ولف
34
رد مالك للوطن
لو عسعس الليل ما نلطم ونوح وطن
ناي المفارك هلة وهموم وزنه وطن
على هالعراق الذي اجدام الاعادي وطن
ارضه عكب ما زهة ويا حيف زرعه يبس
اوما مرة زار الفرح على اوروده وبس
حزن المضيع ولف يكضي وبسيطه بس
حزن الثكالى يخي حزن المضيع وطن
35
ضحكه حبيبي دوة الجرح القلب ان شفته
وعينه وسيعه ومثل لون الجمر شفته
ولفي احله من الكمر طعم العسل شفته
الكمر ماله عطر هيل ومخلوط ابان
ولا طوله طول الرشا ولا غصنه غصن البان
الكمر لوما الشمس ما لاح نور وبان
واني الشمس تستحي من ولفي ان شافته
36
اموجل من اهل الحسد لا واحد ايعينك
ويا قلب على هالولف ادعي الله يعينك
شبهتكم بالكمر وادريك مو عينك
الكمر ماله شفه ولا هو هيئه ملك
لا له صدر لا خصر ولا يمشي مشيت ملك
نفرض انكول الكمر كل المحاسن ملك
لكن يغالي الكمر عنده مثل عينك
37
لليوم جرحك عميق بالقلب عالم
ولا فاده اضماد لاطب ناس لا عالم
اهواك والله الخبير ابنيتي عالم
ورغم الي صار وجرة لك ابدليلي نفس
ذيج الغلاه الكبل غالي ابغلاه النفس
بله حقك عليه جنت يازين كبرت نفس
لو اني ابحلاتك فلا سولف مع العالم
38
مت ابغرامك صرت يانور عيني كحال1
الغريج الذي جلب ابجشه كحل2ا
نته مصيبت حسن من الشعر للكحل3
وحسنك يغالي مثل سيفن ضربني فشك4
صدري ونزل عال*** هم وصلتين انفشك5ا
نته بليه كحل عينك اتنثر فشك6
تريد اتهمدنه درت فوك النواظر كحل7
39
ياماخذ من الكمر لون اخديدك ومن غزال1
البر اخذت اللحظ وي خصرك المنغزل2
حاير ابوصفك شكول من الشعر من غزل3
اتمنيت عندي جنح فوك السمه واركه به4
وانطر خيالك واظل طول العمر اركبه5
حكو اليلوم اليلوم ال*** ماشاف ذيج اركبه6
ولاشاف شعرن من خيوط الشمس منغزل7
40
الله يجازي اهلك بحراب خلوني1وخلوني اتحسر على ملكاك خلوني2اسوو دليلي ابجفه وبالعكل خلوني3
واسكنت طول العمر جوه الحشى اه إلك4منهه دليلي ذبل ما اطيب راح اهلك5 ماني كل يوم اذل النفس وآجي واكل لهلك6خلوني اشوفو كبل ما اموت خلوني7مالك الحزين
41
خشفن نحرني ابسهم عينو ولا طيب1دليلي المشتكي الهايم الطيب2لمن لحتني ابسهم من نظرتك طيب؟3 مافكرت انتهي ورمشك ابچتلي سهم؟4 حگك اذا هو الگمر من نورك آخذ سهم5 بالله اني مو مشكله صدفه ولحتني ابسهم6لكن اريد اسألك عن جاركم طيب




لتتوهم ابــــــد من طعــنتك دم سال!
لحت سرّك البـيّــه ونزف شمع احمر
كلما آجيلك اترجعني كلّــــــي جروح
بس احچـيلي انت انسان لو خنجر!؟

خايف من اهل الحسد لا يــوم يعيونك
وانته نهر للحلا ما جفـــــــــت عيونك
رقــــــــه وجمال ونبل ما لاح لعيونك
اي وحق ربك ما شفـــــــت انا بعينك
منصوخ نصخت حسن بيـه الله يعينك
بس من اتدحك علي دحك بنص عيتك
ما ظال عندي *** يتحمــــــل عيونك



_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dmooa.yoo7.com
 
مجموعه اشعار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى دموع احباب العراق :: منتدى الاشعار-
انتقل الى: