خواطر

* لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري


* انا بالله كيف احيا بدونك
اذا كان الهجر يعني مماتي
اذا نوم الهنا داعب جفونك
انا ما تعرف جفوني سباتي.
حبيبي والغرام العذب كونك
حبيبي والعطش كله بذاتي.
تطمن ما احب إلا عيونك
لأني شفت في عيونك حياتي


* مرت ..ولا حتى تلتفت مرت ..
وعن عيني أختفت
ما كنها في يوم ضحكت لي
ولا كنها في يوم اعرفتني ..
الله يا مبدل الأحوال
كيف الهوى من قلبها زال ومرت ,,
غابت عن عيوني وفي عيوني سؤال
الي حصل منها جفاااا والا دلال ؟؟؟


* انا من وين ماسافر عن أحزاني تجد أحزان/
وظل أركض مثل ضحكة غريب ودمعة مسافر
تعبت أهرب من الذكرى لها كل البشر عنوان
/تجيني بالوجوه أهرب ولا أهرب دامها الناظر
ونادي لك وانا بآخر ليالي بآخر الأوطان/
أصارع غربتي بين الخفوق وعزة مكابر
لك الله ماشعرت إلا بعد فرقاك بالوجدان/
شف غيابك عسف مهر العناد وروض النافر